Lóðarúthlutun – úthlutun á byggingarrétti

Framkvæmda- og tæknisvið annast lóðarúthlutanir. Ábyrgðarmaður er Sigurjón Ingvason, hdl. og er hann með viðtalstíma á milli 11 og 12 alla daga í síma 5701500.

Lóðarúthlutanir eru ávallt auglýstar í blöðum og á heimasíðu Kópavogbæjar. Tilgreint er í auglýsingu við hverja úthlutun hvar nálgast skuli úthlutunargögn sem og hverjir eru umsóknarfrestir.

Gögn vegna lóðarúthlutunar eru afhent hjá þjónustuborði. Umsóknum um lóðir skal skilað til þjónustuborðs.

Lóðargjöld

Lóðargjöld eru ákveðin fyrir hverja úthlutun.

Greiðslur lóðagjalda

 Þegar lóðum er úthlutað er lóðarhafa sent svokallað úthlutunarbréf. Í úthlutunarbréfi koma fram upplýsingar um lóðargjöld sem og greiðslumáta. Hægt er að staðgreiða lóðargjöld og er þá veittur afsláttur. Sveitarfélagið veitir jafnframt þann kost að greidd séu 10% af lóðargjöldum og eru eftirstöðvar svo greiddar með skuldabréfi.

Úthlutunarreglur

Úthlutunarreglur er að finna á heimasíðu Kópavogbæjar

Umsókn um lóðarúthlutun.

Í umsókn um lóðarúthlutun skal tilgreina þá lóð sem sótt er um og svo er til vara sótt um svæði. Umsókn um lóðarúthlutun skal fylgja yfirlýsing frá fjármálastofnun um greiðsluhæfi og lánshæfi, auk skattaskýrslu. Fyrirtæki skulu leggja fram ársreikninga.

Næsta úthlutun fyrir íbúðarhúsnæði er fyrirhuguð í Vatnsendahlíð í Kópavogi. Áætlað er að hún verði í lok sumars. Úthlutunin verður auglýst síðar.

Næsta úthlutun fyrir atvinnuhúsnæði hefur ekki verið ákveðin.

Þegar lóðum er úthlutað er lóðarhafa sent svokallað úthlutunarbréf. Í því kemur fram hvenær áætlað sé að lóðin verði byggingarhæf. Í sumum tilfellum er áætlað að sú afhending verði á ákveðnu tímabili. Ekki er því óalgengt að lóðarhafar leiti nánari upplýsinga um það hvenær lóðin verður byggingarhæf.

Hvenær verður lóðin mín byggingarhæf?

Í þjónustuborði liggur frammi listi með upplýsingum um það hvenær lóðir verða byggingarhæfar.

Skil á íbúðarhúsnæðislóðum

Senda þarf skriflega bréf til bæjarráðs þar sem óskað er eftir því að skila lóðinni og skal það undirritað af þeim aðilum sem fengu lóðinni úthlutað. Eftir að bæjarráð hefur tekið erindið fyrir er hægt að óska eftir endurgreiðslu þegar greiddra lóðargjalda. Leita skal til innheimtudeildar vegna endurgreiðslu.

Lóðarleigusamningar

Framkvæmda og tæknisvið annast útgáfu lóðarleigusamninga. Ábyrgðarmaður er Sigurjón Ingvason, hdl. og er hann með viðtalstíma á milli 11 og 12 alla daga í síma 5701500. Lóðarleigusamningar eru gefnar út eftir að lóð hefur verið úthlutað og lágmarksgjöld hafa verið greidd.

Endurnýjun lóðarleigusamninga

Lóðarleigusamningar eru gerðir til 50 ára. Mikið er um að óskað er eftir endurnýjun á eldri samningum. Er það einkum gert í tengslum við sölu á eignum. Framkvæmda og tæknisvið annast endurnýjun lóðarleigusamninga. Ábyrgðarmaður er Sigurjón Ingvason, hdl. og er hann með viðtalstíma á milli 11 og 12 alla daga í síma 5701500. Hægt er að leggja fram umsókn um endurnýjun og er hægt að nálgast slíka umsókn hjá þjónustuborði. Einnig er hægt að leggja fram beiðni um endurnýjun á lóðarleigusamningi með því að senda umsókn á netfangið Þetta póstfang er verndað fyrir ruslpósti þú þarft að virkja JavaScript til að sjá það

Úthlutun lóða

Hér er að finna upplýsingar um þær lóðir sem eru í úthlutun, næstu fyrirhuguðu úthlutanir og umsóknar eyðublöð.